The Girl on the Train

Petsa nang Pagpapalabas: Oktubre 5, 2016

Haba nang Pelikula: 1oras 52minuto

Direktor: Tate Taylor

Kategorya: Misteryo, Drama

Panulat ni: Erin Cressida Wilson

Prodyuser: Marc Platt

Bida sa Pelikula: Emily Blunt (Rachel Watson), Rebecca Ferguson (Anna Watson), Haley Bennett (Megan Hipwell), Justin Theroux (Tom Watson), Luke Evans (Scott Hipwell), Allison Janney (Detective Sgt. Riley), Edgar Ramirez (Dr. Kamal Abdic), Lisa Kudrow (Martha), Laura Prepon (Cathy)

Musika: Danny Elfman

Sinematograpiya: Charlotte Bruus Christensen

Taga-pamahagi: Universal Pictures

Base sa Novela na: The Girl on the Train ni Paula Hawkins

Bansa: Estados Unidos

Lingguwahe:  Ingles

Buod:

Tuwing sumasakay ng tren si Rachel Watson lagi niyang nakikita ang mag-asawang Scott at Megan sa bintana nang kaniyang kainauupuan. Isang araw nasaksihan niya ang isang nakakagulat na pangyayari sa likod bahay nang isang hindi niya kilalang tao. Sinabi niya sa mga pulis ang kaniyang nakita nang malaman niya na nawawala si Megan at baka patay na. Ngunit dahil sa kalituhan naging hindi siya sigurado sa kaniyang nakita kaya nagsimula siyang mag-imbestiga, ngunit pinagbibintangan na pala siya nang mga pulis na baka siya ang pumatay kay Megan.

Pagsusuri:

Ang The Girl on a Train ay halaw sa sikat na nobela ni Paula Hawkins na nagkukuwento tungkol sa isang babaeng lasinggera na palaging sumsakay ng  tren araw araw. Madalas siyang gumawa nang pantasya sa kaniyang mga nakikita kagaya na lang kay Megan na isang magandang babae na tingin niya ay isang larawan nang perpektong tao. Nakikita niya kay Megan ang sarili niyang buhay, na nawala kasama nang pagkawala nang kaniyang asawang si Tom, trabaho, bahay, ang kaniyang pangarap na maging ina at maging ang kaniyang respeto sa sarili.

Lahat ng ito ay naikuwento ni Rachel sa simula pa lang nang pelikula sa ilalim nang direksyon ni Tate Taylor. Pinakita niya ang pagkatao nang bidang karakter sa likod nang kaniyang kamera. Pinuno din ito ni Taylor nang mga memorya ni Rachel tungkol sa pagkawala nang kaniyang asawa, ang pagiging lasengga at ang pagtangis sa kaniyang anak na hindi naman siya nagkaroon.

Si Megan naman ay nagtratrabaho bilang tagapagalaga nang anak ni Anna na pangalawang asawa ni Tom. Ngunit may lihim itong si Megan at ito ay ang pagtataksil sa kanyang asawa (Luke Evans) at pakikipagrekasyon sa kaniyang therapist (Edgar Ramirez). Samantalang si Anna ay nag-aalala sa dating asawa ni Tom na si Rachel dahil sa  madalas nitong pagtawag, mga pagbisita na hindi inaasahan at ang kaalaman na nakatira ito malapit lamang sa kanila.

Masasabik ka sa kuwentong ito sa huling sampung minuto. Doon mo mararamdaman ang kaba sa mangyayari. Maayos na naipakita ang pelikula sa kamay nang mga bumuo nito sa likod nang kamera. Ngunit hindi sila nagtagumpay  sa pagsasa pelikula nang sikat na nobela. Madalas na nangyayari sa ngayon na kapag bumenta nang marami ang isang aklat ito ay nagiging palabas. Ayos lang khit hindi maayos ang pagkakasalin sapagkat tatangkilikin pa rin ito nang mga manonood. Upang malaman lamang sa huli na mas maganda pa rin ang nasa libro.