Always Be My Maybe

Petsa nang Pagpapalabas: Pebrero 24, 2016

Haba nang Pelikula: 1oras 43minuto

Direktor: Dan Villegas

Kategorya: Romantiko, Komedya

Panulat ni: Dan Villegas, Pertee Brinas

Prodyusers: Charo Santos-Concio, Malou Santos

Bida nang Pelikula: Gerald Anderson bilang si Jake Del Mundo, Arci Munoz bilang si Tintin Paraiso

Taga-pamahagi: ABS-CBN Film Productions

Bansa: Pilipinas

Lingguwahe: Filipino, Ingles

Buod:

Si Jake del Mundo ay isang businessman sa pampamilyang negosyo. Matapos ang ilang taon ng pagiging binata naisip niya na gusto na niyang magpakasal sa kaniyang matagal ng nobya na si Tracy. Ngunit hindi ito tinanaggap ni Tracy at pinagpalit siya sa ibang lalaki. Si Tintin Paraiso naman ay isang make-up artista na naniniwala sa pagkakaroon ng perpektong nobyo at inaasahan niya na ang kaniyang nobyo ay aalukin na siya ng kasal. Ngunit sa hindi inaasahang pangyayari ang lalaki ay hindi sumipot sa restaurant at nakita na lang niya sa facebook na may inaya na itong iba. Matapos malaman ito ibinahagi niya ito sa social media kung saan naging viral ang kaniyang video.

Matapos ang ilang buwan ang dalawa ay nagkita sa isang beach resort na pag-aari ni Jake. Si Tintin ay naroon para sa isang trabaho na pagmamake-upan niya. Naging magkaibigan sila at patuloy na nagkikita upang magkuwentuhan. Nalaman nila na pareho silang ng kapalaran sa pag-ibig kung kaya napagkasunduan nila na tulungan ang isa’t isa para makakita ng bagong mamahalin. Ngunit hindi nila inaasahan ang susunod na pangyayari na magpapa-inlove sa mga manonood ng pelikulang ito.

Pagsusuri:

Sikat si Direktor Dan Villegas sa kaniyang mga romantikong pelikulang gaya ng English Only Please, The Breakup Playlist, at Walang Forever. At ngayon nga kaniyang inihahandog sa lahat ang Always Be My Maybe na pinangungunnahan nina Gerald Anderson at Arci Munoz. Sa palabas na ito hindi lang natin mararamdaman ang tamis ng pag-ibig kundi pati ang mga aral na ating natututunan sa pakikipagrelasyon na marami sa atin ay naranasan na.

Sina Tintin at Jake ay parehong galing sa isang nabigong pag-ibig. Upang mapatunayan kung wala na ngang pag-ibig sa dati niyang nobyo si Tintin binigyan siya ng dare ng kaniyang mga kaibigan na makipagkilala kay Jake. At doon nagsimula ang kanilang pagkakaibigan. Dahil palagi silang nagkikita, naramdaman nila na may atraksyong namamagitan sa kanila.  At ayaw nilang pansinin ito dahil sa mapait na karanasan nila sa dati nilang mga karelasyon. Kaya hindi nila binigyan ng label ang namamagitan sa kanila upang maiwasan na din ang emotional attachment.

Ngunit naging kumplikado ang lahat dahil sa isang pangyayari. Kung saan ang simula ang isang relasyong hindi nila inaasahang uusbong sa kanilang dalawa. Parehong karakter ang natatakot sumugal sa pag-ibig ngunit parehong gustong maging masaya habang buhay. Tinalakay ng pelikula ang pagunawa sa reyalidad na kinasasangkutan ng maraming tao ngayon pagdating sa paglalagay ng pangalan sa kanilang sariling relasyon at ganoon din ang pag-alam sa tunay na nararamdaman para sa isang tao.

Ang ganitong klaseng pelikula ay hindi na bago sa ating panlasa. Maraming palabas at teleserye na nagawa ang ganito ang tema. Kapuna puna ang magaling na pagganap ni Arci Munoz. Nakakaaliw siya at talagang nakakatawa. Tamang tama siya sa mga pelikulang gaya nito. Samantalang si Gerald Anderson naman ay sanay na sanay sa bawat eksena. Hindi na din ito bago sa kaniya dahil sa gumaling na din siya sa pag-arte.

Magugustuhan ito ng mga manonood. Simple at nakakatawa ito na tamang tama para sa isang romantikong pelikula.

Doctor Strange

Petsa nang Pagpapalabas: Oktubre 26, 2016

Haba nang Pelikula: 1oras 55minuto

Direktor: Scott Derrickson

Kategorya: Aksyon, Paglalakbay, Pantasya

Panulat ni: Scott Derrickson, C. Robert Cargill

Istorya ni: Jon Spaihts, Scott Derrickson, C. Robert Cargill

Prodyusers: Kevin Feige

Bida nang Pelikula:

• Benedict Cumberbatch bilang si Stephen Strange – isang neurosurgeon na nagkarron ng kapangyarihan matapos ang isang aksidente.
• Chiwetel Ejiofor bilang si Karl Mordo – istudyante ng Ancient One kasama ni Strange.
• Rachel McAdams bilang si Christine Palmer – kasamang surgeon si Strange.
• Benedict Wong bilang si Wong – isa  sa mga dalubhasa sa mistiko ng sining at naatasang protektahan ang mahahalagang alaala at libro ng Kamar-Taj.
• Michael Stuhlbarg bilang si Nicodemus West – karibal na surgeon ni Strange.
• Benjamin Bratt bilang si Jonathan Pangborn – isang paraplegic na natutung pagalingin ang kaniyang sarili at may alam ng impormasyon tungkol sa kakaibang pagpapagaling ni Strange.
• Scott Adkins bilang si Lucian – isa sa taga-sunod ni Kaecilius na napatay ni Strange sa isang laban.
• Mads Mikkelsen bilang si Kaecilius – isa sa mga dalubhasa sa mistiko ng sining at kumalas sa Ancient One.
• Tilda Swinton bilang is Ancient One – tagapagturo ni Strange.

Musika: Michael Giacchino

Sinematograpiya: Ben Davis

Taga-ayos: Wyatt Smith, Sabrina Plisco

Taga-pamahagi: Walt Disney Studios Motion Pictures

Bansa: Estados Unidos

Lingguwahe: Ingles

Buod:

Isang talentadong neurosurgeon si Doktor Stephen Strange na matapos ang isang aksidente ay natuto ng isang sekreto sa nakatagong mundo ng mistisismo at alternatibong dimensyon. Base sa Greenwich Village sa lungsod ng New York, si Doktor Stephen ay kailangang maging tagapamagitan sa pagitan ng tunay na mundo at ng kung anong mayroon sa kabila, gamit ang kaniyang malawak na kaalaman sa metapisikong abilidad at artipaks para protektahan ang mundo ng Marvel Cinematic.

Pagsusuri:

Sa pelikulang ito maalala natin si Tony Stark na halos nahahawig sa karakter ni Stephen Stranger. Si Stranger ay isang magaling na neurosurgeon na may napakalaking ego. Matapos ang isang aksidente na naging dahilan ng pagkapilay ng kanyang mga kamay, unti unting nawala ang kaniyang trabaho sa kaniya. Gumawa siya ng paraan upang muling magamot at magamit ang kaniyang mga kamay ngunit wala nakagawa nito kahit ang kaniyang kasamahan na si Christine.

Nang marinig niya ang himalang pagaling ng paralisadong si Jonathan Pangborn, nagpunta sa Tibet si Strange upang hanapin ang misteryosong templo ng Kamar-Taj. Nakasama niya si Baron Mordo isang istudyante ng Ancient One, na nagturo sa kaniya kung paano gamitin ang enerhiya upang makagawa ng mahika.

Kahit kailangan lang ni Strange ang mistikong kasanayan para gumaling siya, pinakita pa rin ni Wong (promoprotekta sa alaala at libro ng Kamar Taj) sa kaniya kung ano ang papel ng salamangkero ng mundo sa mundo ng Marvel Cinematic. “Ang mga Avengers ang promoprotekta sa mundo laban sa panganib”paliwanag ni Wong. “Pinapangalagaan namin ito laban sa mistikong banta.” Sa Doctor Stranger ang bantang ito ay palalabasin ni Kaecilius sa kagustuhan niyang palayain ang sangkatauhan mula sa kaaway nito: ORAS. At dito nagsimula ang lahat.

Kahit ang pinaka istorya nito ay nahahawig lang sa mga ibang pelikula na tungkol sa isang superhero na ililigtas ang mundo laban sa kalaban. Ang kaibahan lang nito ay ang paraan na ginamit kung paano ililigtas ang mundo. Kadalasan hinahanap ng tao sa mahika ng mistikong sining ang pisikal at emosyonal na paggaling kung lahat ng ating natitirang pag-asa ay naubos na.

Ang iskrip na ginawa ni Dan harmon ay nakakatuwa at kasiya siya sa mga manonood. Nagampanan din ng mga karakter ang kanilang mga papel na lalong nakapag paganda sa pelikulang ito.

Ang pagkakuha ni Strange ng kaniyang kapangyarihan ang simula ng kaniyang paglalakbay papuntang sangkatauhan. Ika nga sa mga pelikula ng superheroes “Paglakas ng iyong kapangyarihan, Paglaki ng iyong responsibilidad” (With great power comes great responsibility).

Robinson Crusoe: The Wild Life

Petsa nang Pagpapalabas: Oktubre 26, 2016

Haba nang Pelikula: 1oras 30minuto

Direktor: Vincent Kaeteloot, Ben Stassen

Kategorya: Komedya, Paglalakbay

Panulat ni: Lee Christopher, Domonic Paris, Graham Weldon

Prodyusers: Gina Callo, Mimi Maynard, Domonic Paris, Ben Stassen, Caroline Van Iseghem

Boses sa Pelikula: Yuri Lowenthal (Robinson Crusoe), David Howard Thornton (Mak), Laila Berzins (Tapir Rosie), Joey Camen (Scrubby), Sandy Fox (Epi), Colin Metzger (Carmello)

Musika: Ramin Djawali

Base sa: Robinson Crusoe ni Daniel Defoe

Taga-pamahagi: StudioCanal

Bansa: France, Belgium

Lingguwahe: Ingles, French, German

Buod:

Si Mak ay isang parrot na inip na inip na sa kanilang isla, gustong gusto niyang umalis doon. Isang araw isang bagyo ang dumating at nawasak ang sinsakyang barko ni Robinson Crusoe. Umalis ang kaniyang mga kasama sakay ng mga bangka at siya kasama ang dalawang pusa at isang aso ay naiwan sa  nasirang barko. Habang naghihintay ng tulong sina Crusoe si Mak ay nagpunta sa barko nila na malapit sa isla. Samantalang ang dalawang pusa naman ay gumawa ng paraan upang makaganti sa mga ginawa sa knila ng mga tao at angkinin ang isla. Sinabi niya sa mga hayop sa isla na kakainin ni Crusoe si Mak, kung kaya gumawa sila ng paraan para sunugin ito na ikinamatay ng isa sa mga ibon ni Crusoe. Matapos ang sunog nagpunta si Crusoe sa isla at doon tumira habang naghihintay ng may tutulong sa kaniya. Isang barko ng pirata ang dumating at pilit isinasama si Crusoe ngunit niligtas niya si Mak at ang nakuha ng pirata ay ang dalawang masamang pusa.

Pagsusuri:

Kainip inip ang pelikulang ito. Walang masyadong bago ang pinakita o nakita sa mga karakter o eksena. Madami na din ang nagawang pelikula n may kaugnayan sa istorya ni Crusoe na mas kaiga-igayang panoorin.

Para itong Cast Away na may Pirates of the Carribean at Rio samahan pa ng mga nagsasalitang hayop na pinagsama-sama sa isang pelikula. Nakakapagtaka din kung bakit magkaiba ang tawag sa pelikula. Robin Crusoe ito sa buong mundo samantalang The Wild Life sa north Amerika.

Sa bagong pelikulang ito si Crusoe ay napapalibutan ng mga nagsasalitang hayop sa isla kung saan ito napadpad. Ngunit ang istorya ay ikinukuwento ng mga hayop at hindi ni Crusoe.

Ang animasyon na gumawa sa palabas na ito ay walang naipalabas na kakaiba at bago sa paningin ng manonood. Maraming ay nakita na at mas maganda pa ang presentasyon.

Ang mga pag-uusap ng bawat karakter ay hindi na din minsang nakakatawa at parang pilit na ito na hindi nakakaganda sa pelikula.

Base sa libro ni Daniel Defoe ito ay kuwento ni Crusoe kung saan napunta ang kaniyang sinasakyan sa isang isla na maraming hayop. Hindi pinagkakatiwalaan ng mga hayop na ito ang mga tao. Ngunit tanging si Mak na isang parrot ang naniniwalang hindi si Crusoe nananakit. Habang naghihintay ng tulong nagtayo si Crusoe ng bahay sa taas ng puno. Tinakot ng mag hayop si Crusoe sa pamamagitan ng mga tunog na nakakatakot na kahit ang mga batang manonood ay hindi man lang ito katatakutan. Na magiging hindi interesante sa mga matatandang kasama nila.

Ouija: Origin Evil

Petsa nang Pagpapalabas: Oktubre 26, 2016

Haba nang Pelikula: 1oras 39minuto

Direktor: Mike Flanagan

Kategorya: Katatakutan

Panulat ni: Mike Flanagan, Jeff Howard

Prodyusers: Michael Bay, Bradley Fuller, Andrew Form, Jason Blum, Brian Goldner, Stephen Davis, Trevor Macy

Bida nang Pelikula: Elizabeth Reaser (Alice Zander), Annalise Basso (Lina Zander), Lulu Wilson (Doris Zander), Henry Thomas (Father Tom), Parker Mack (Mikey), Doug Jones (Ghoul Marcus/Devil’s Doctor)

Musika: The Newton Brothers

Sinematograpiya: Michael Fimognari

Taga-ayos: Mike Flanagan

Taga-pamahagi: Universal Pictures

Bansa: Estados Unidos

Lingguwahe: Ingles

Buod:

Tumutulong sa panghuhula ng kanilang ina ang magkapatid na sina Paulina at Doris. Gumamit ang kanilang ina ng ouija board upang tawagin ang kaluluwa ng kanilang ama na namatay na, ng hindi sinasadyang nakatawag ito ng isang masamang ispiritu na sumanib sa katawan ng kaniyang anak na si Doris. Susubukan nilang mga-ina iligtas Doris sa kamay ng masamang demonyo na sumapi dito.

Pagsusuri:

Isa sa magaling na direktor pagdating sa tema ng katatakutan ngayon ay si Mike Flanagan. Nagagawa niyang makakatotohanan ang mga bagay bagay  upang mas katakutan ito ng mga manonood. Nagbibigay at nagdadala siya ng mga kakaiba at makabagong paraan sa temang ito. Sa bagong niyang pelikula na OUIJA: ORIGIN OF THE EVIL napatunayan niya ito, kung saan mas pinataas niya ang kalidad na maibibigay ng ganitong klaseng palabas.

Nagsimula ang kuwento sa magiinang sina Alice at dalawang anak nitong si Paulina at Doris. Hindi totoong manghuhula si Alice at pinapaliwang niya ito sa kaniyang mga anak na tumutulong sa kaniya, pero gusto niyang makatulong sa iba. Ipinakita agad ni Flanagan ang pinagdaanan ng pamilya ito, ang pagkawala ng ama ng mga bata, at kung paano sila umahon matapos itong mamatay. Ipinakita ito ng direktor ng hindi gumagamit ng mga pagbabalik tanaw, tuloy tuloy lang ang daloy ng istorya habang binubuo niya ang karakter ng bawat isa.

Ngunit ng magsimula ang paggamit nila ng Ouija board ang kuwento ay nadagdagan ng gulat, takot at pagkabigla sa bawat parte ng palabas. Binalanse din ng director ang lahat ng parte ng pelikula na hindi nagmumukhang tulad, kundi mga bagong paraan kung paano ito isasagawa. Ngunit ng magtagpo ang mga karakter at koneksyon nila sa Ouija lalong naging kapanapanabik ang bawat tagpo. Na kahit alam mo ang magiging katapusan hindi mo pa din maiwasang magulat sa mga susunod na mangyayari.

Magaling ang din ang pagkakasulat ng kuwento na nagbibigay sa istorya ng matalino at takot sa mga manonood. Ang bawat bida sa pelikula ay nagbigay ng magaling at makatotohanang pagganap. Lahat ng karakter ay may kani kaniyang lakas na humubog upang maging maganda ang pelikula.

Sa kabuuan ang pelikulang ito ay mas maganda sa nakaraang pelikula ng OUIJA. Mas madaming naipakita na kagugulat gulat na parte na hindi nasasapawan ang tunay na istorya. Maghahatid ito ng takot, gulat, inis, tuwa at saya sa lahat ng manonood. Tamang tama para sa mga mahilig manood ng mga nakakatakot lalo na ngayong panahon ng Undas.

Good Kids

Petsa nang Pagpapalabas: Oktubre 12, 2016

Haba nang Pelikula: 1oras 30minuto

Direktor: Chris McCoy

Kategorya: Komedya

Panulat ni: Chris McCoy

Prodyusers: Nicolas Chartier, Andrew Miano, Dominic Rustam, Chris Weitz, Paul Weitz

Bida nang Pelikula: Nicholas Braun (Andy), Zoey Deutch (Nora), Mateo Arias (The Lion), Israel Broussard (Spice), Dayo Okeniyi (Conch), Julia Garner (Tinsley), Ashley Judd (Gabby)

Musika: Lucian Piane

Sinematograpiya: Jimmy Lindsey

Taga-ayos: Evan Henke, Amy McGrath

Taga-pamahagi: Vertical Entertainment

Bansa: Estados Unidos

Lingguwahe: Ingles

Buod:

Apat na istudyante ang nakapagtapos na ng high school ngunit nararamdaman nila na parang may kulang sa kanilang buhay dahil masyado silang mababait. Kung kaya’t napag-isipan nilang baguhin ang kanilang sarili upang magsaya at makaranas ng iba’t ibang bagay ng magkakasama bago sila magkolehiyo.

Pagsusuri:

Ang nakakatawang pelikulang ito ay tungkol sa apat na istudyante na nabuhay ng mababait at magagaling sa iskwelahan kumbaga sila ung mga anak na hindi mo proproblemahain. Noong bakasyon bago sila pumasok sa kani kanilang iskwelahan para magkolehiyo naisipan nina Andy, Nora, Spice, The Lion na magsaya at maranasan lahat ng bagay na hindi nila naranasan noon. Si Andy ay nakipagtalik sa lahat ng mayamang may asawa na tumatangkilik sa kanilang club kung saan siya ay isang tennis coach. Si Nora naman ay nagsimulang makipagrelasyon kay Erland na kasamahan niya sa isang lab. Samantalang si The Lion ay tumikim ng iba’t ibang klase ng droga at si Spice ay naghanap kung saan puwede niyang mailabas ang init ng kanyang katawan. Patuloy pa rin si Andy sa pakikipag-ugnayan sa isang babae na taga India na nakilala niya sa internet. Hindi niya alam kung tunay ba ito o hindi.

Ito ang unang pelikula ni Chris McCoy bilang director at panunulat. Walang masyadong kakaiba sa pelikulang ito. Gaya lang din ito ng mga tinedyer na pelikula na sa huli matutunan ang dapat malaman ng bawat karakter. Maraming biro ang hindi na nakakatawa o mas tamang sabihin na hindi katawa-tawa dahil madalas ng nagagamit at naririnig.

Ang pagganap ni Braun bilang Andy ay hindi kapansin pansin. Hindi nakakabumbinsi ang kaniyang mga pag-arte na nagiiwan lamang sa mga manonood ng mga eksenang hindi naman nakakatuwa. Nakuha naman ni Nora ang mga manonood sa kaniyang aking karisma at pagganap na kagigiliwan ng lahat.

Lahat ng bagay sa mundo ay kailangan ng balanse. Hindi maaring puro trabaho lamang at aral ang buong buhay mo. Marami ang hindi naituturo ng aklat o ng mga titser sa iskuwelahan. Kadalasan mas natututo tayo sa mga bagay na nararanasan natin at nagagawa natin sa araw araw.  At dito nalalaman natin ang tama sa mali at nagdedesisiyon tayo ayon sa gusto nating marating o puntahan sa hinaharap.

The Achy Breaky Hearts

Petsa nang Pagpapalabas: Hunyo 29, 2016

Haba nang Pelikula: 1oras 50minuto

Direktor: Antoinette Jadaone

Kategorya: Romantic, Comedy

Panulat ni: Yoshke Dimen, Antoinette Jadaone

Istorya ni: Antoinette Jadaone

Prodyusers: Malou Santos, Charo Santos-Concio

Bida nang Pelikula: Jodi Sta. Maria (Chinggay Villanueva), Ian Veneracion (Ryan Martinez), Richard Yap (Frank Sison), Beauty Gonzalez (Ingrid), Sarah Lahbati (Martha), Desiree Del Valle (Corrine), Erika Padilla (Maxie), Denise Joeaquin (Joan)

Sinematograpiya: Pong Ignacio

Taga-pamahagi: Star Cinema

Bansa: Pilipnas

Lingguwahe: Tagalog, Filipino, Ingles

Buod:

Si Chinggay ay manedyer ng isang tindahan ng alahas at sa edad na 30 taong gulang kailangan na niyang makahanap ng mamahalin at mapapangasawa. Nakikipagdate siya ngunit walang makakuha ng kaniyang atensyon. Siguro dahil na rin sa kaniyang naranasan sa huli niyang nakarelasyon at mataas na pamantayan pagdating sa pag-ibig kung kaya hanggang ngayon wala pa rin siya nobyo. Pitong taon na siyang walang kasintahan. Biglang nabago ang lahat ng dalawang lalaki ang naging interesado sa kaniya. Una si Ryan na bumili sa kaniya ng engagement ring ngunit tinangggihan lamang ng kaniyang nobya. Tinulungan ni Chinggay si Ryan upang makuha muli ang kaniyang kasintahan ngunit nawala nila ang singsing at naging mabuting magkaibigan habng hinahanap ito. At ang ikalawa ay Si Frank na dati niyang nobyo. Bumalik siya para kay Chinggay para humingi ng pangalawang pagkakataon dito na maging kasintahan muli siya. Sino ang pipiliin ni Chinggay? Ang dati niyang minahal o ang taong minamahal na niya ngayon?

Pagsusuri:

Sa panahon ngayon nagiging pamantayan na ng maraming tao ang pagkakarooon na ng asawa sa edad na 30. At ang pelikulang ito ay handog ng hugot director na si Antoinette Jadaone sa lahat ng kababaihan na nagmamahal at naghahanap ng pagmamahal.

Ang kuwento ay umikot sa buhay ni Chinggay na sa edad na 30 taong gulang ay walang pa ring nobyo. Madalas siyang natatanong na “Kailan ka ba mag-aasawa?”. Kasama niya ang kaniyang mga kaibigan na halos wala ding mga kapareha. Madalas nila napag-uusapan kung bakit nga ba wala silang mga nobyo at sa huli humahantong lang sila sa pagkakaroon ng imahinasyon kung ano ba ang pakiramdam ng may nagmamahal sa kanila.

Pero ika nga sa kasabihan, “when it rains, it pours”. Dumating sa buhay niya ang dalawang tao na magmamahal sa kaniya. Si Ryan na naging kaibigan niya dahil sa pagbili sa kaniya ng singsing para sa nobya nitong hindi naman ito tinanggap at si Frank na dati niyang kasintahan na muling bumabalik sa buhay niya. Ngunit takot na magtiwala ulit si Chinggay sa loob ng pitong taon, ayaw na niyang masaktan muli.

Magaling ang pagkakaganap ni Jodi sa papel bilang Chinggay. Nakakatuwa siya at kawiliwili. Bagay na bagay din kina Veneracion at Yap na binansagang TeamTisoy at TeamChinoy. Maraming parte ay naglalaban ang dalawng lalaki para kay Chinggay at kung sino ang dapat para sa kaniya. Kuwela at puno ng aral ang buong palabas na kakatuwaan ng maraming manonood.

Ngunit sa huli nagbibigay ito ng mensahe na kung magiging magisa ka ay hindi ka dapat na malungkot. May mga bagay na kung nakalaan talaga para sayo kahit gaano pa katagal babalik ito sayo. Maraming tao ang masaya at hindi mo kailangan ang kahit sino upang maramdaman ito. Ikaw ang magpapasaya sa iyong sarili. Bonus na lang ang pagkakaroon at dagdag na magmamahal. Hindi mo ito kailangang hanapin dahil dadating ito sa oras na hindi mo inaasahan.

Max Steel

Petsa nang Pagpapalabas: Oktubre 19, 2016

Haba nang Pelikula: 1oras 32minuto

Direktor: Stewart Hendler

Kategorya: Pantasya, Sci-fi

Panulat ni: Christopher Yost

Prodyusers: Bill O’Dowd, Julia Pistor

Bida nang Pelikula: Ben Winchell (Maxwell “Max”McGrath/Max Steel), Josh Brener (boses ni Steel), Ana Villafañe (Sofia Martinez), Andy Garcia (Dr. Miles Edwards), Maria bello (Molly McGrath), Mike Doyle (Jim McGrath), Billy Slaughter (Agent Murphy)

Musika: Nathan Lanier

Sinematograpiya: Brett Pawlak

Taga-ayos: Michael Louis Hill

Taga-pamahagi: Open Road Films

Bansa: Estados Unidos

Lingguwahe: Ingles

Buod:

Ito ay kuwento ng tinedyer na si Max McGrath at ng alien na si Steel na kung saan puwede silang magsama upang makapaglabas ng kakaibang enerhiya upang maging isang superhero na si Max Steel. At dahil dito nahihirapan siyang tanggapin ang kaniyang kapalaran, na nagtulak sa kaniya upang hanapin ang katotohanan at makipaglaban upang mailigtas ang mundo.

Pagsusuri:

Ang Max Steel ay nahahawig sa mga maaksyong karakter gaya ng Transformers. Ito ay kuwento ng isang tinedyer na lalaki na nagngangalang Max na muling bumalik sa dati nilang tirahan kasama ang kaniyang ina matapos ang misteryosong pagkamatay ng kaniyang ama. Kaniyang biglang nadiskubre na nakakapaglabas siya ng isang kakaibang enerhiya na nakakawasak ng kahit anong teknolohiya na nasa paligid niya. Ang enerhiya ding ito ang gumising sa isang alien na si Steel na kumakaen ng kaniyang enerhiya at mukhang may alam tungkol sa nangyari sa kaniyang ama.

At sa hindi inaasahan, pisikal na nakakaugnay si Steel sa kaniya na nakapagbibigay sa kaniya ng malakas na baluti at kakaibang abilidad. At ito ay hindi madalas na nangyayari sa kaniya.  Tumalakay ang kuwento sa paghanap niya ng katotohanan tungkol sa pagkamatay ng kaniyang ama na hindi naman binigyan ng kahit anong palatandaan si Max sa paghanap nito.

Nakakainip ang pelikula, marami sa mga eksena ay nakita mo na sa iba. Samantalang ang ibang parte ay isinama lang dahil kailangan lagyan o samahan. Gaya na lang ng pagkakaroon ng love interes ng bida. Kung tutuusin inilagay lang upang masabing kailangan nilang mainlove sa pelikula na hindi naman kailangan.

Hindi masyadong nabigyan ng pokus ang pagiging superhero at ang kapangyarihan nito. Marami ay puros pagtatago lang ng mga bagay bagay kay Max, na maaari namang hindi itago sa kniya.

Ang pagarte ni Winchell ay hindi masyadong kaigaigaya, ngunit binawi naman ito ng mga sumusuportang papel na sina Garcia at Bello na nagbigay ng magandang pagganap.

Nakakadismaya ang pelikulang ito sa isang maaskyon karakter gaya ni Max Steel. Ang pinaka buod ng kuwento ay ang maghintay kung paano madidiskubre ang lahat na naging kainip inip sa mga manonood.