Book Review: Bossman

May-akda: VI Keeland

Kategorya: Contemporary Romance

Karakter:

• Reese Annesley – marketing expert sa Parker Industries
• Chase Parker – presidente at founder ng Parker Industries
• Bryant Chesney – may gusto kay Reese
• Peyton – dating nobya ni Chase
• Eddie – homeless na tinulungan nina Chase at Peyton dati

Sikat na Linya:

“Fear does not stop death. It stops life. “– VI Keeland, Chase tattoo –

“Don’t focus on what ifs. Focus on what is.”- VI Keeland, Peyton’s quote on a poster -

Buod:

Si Reese ay marketing expert sa Fresh Looks ngunit ng biglang ang anak ng CEO ang mapromote sa pinaghirapan niyang makuhang posisyon dali daling nagresign si Reese dito at suwerteng natanggap sa Parker Industries. Si Chase naman ang founder at president ng Parker Industries, siya ang gumagawa ng lahat ng itinitinda nilang mga bagay na pampaganda. Madalas nagkakatagpo ang landas nina Reese at Chase kahit hindi pa man sila pormal na magkakilala. Gaya na lang nung isang pagkakataon na inip na inip na si Reese sa kaniyang kadate, kinausap siya ni Chase na parang magkakilala sila para mawala ang kaniyang pagkabagot sa date na iyon at nasundan pa ito ng ilang mga pagtatagpo. Nang matanggap si Reese sa kumpanya ni Chase dito nadiskubre niya ang malungkot nitong nakaraan.

Pagsusuri:

Gaano nga ba kalaki ang tyansa na magkakilala ang dalawang taong hindi magkakilala? Nagsimula sa isang nakakatuwang pagtatagpo ang istorya nina Reese at Chase. Inip na inip na si Reese sa kaniyang kadate ng gabing iyon at sa hindi inaasahang sandali bigla siyang tinawag niya Chase na parang magkakilala na sila. At nasundan pang muli ito na kasama naman ni Reese ang manliligaw nitong si Bryant. Madalas gumawa ng istorya si Chase upang makapag-usap sila at madalas sinasakyan na lang niya ang kalokohan nito. Mas lalong nagkrus ang landas nila ng matanggap si Reese sa kumpanya ni Chase. At dito mas nakilala niya ang lalaki at lihim sa likod ng malulungkor nitong mga mata at mapag-alagang aura.

Si Reese ung tipo ng babae na gagawin lahat para sa kaniyang pangarap na posisyon lalo at alam niya na kwalipikadong kwalipikao siya para dito. Kahit ibaba niyang ang kaniyang sarili makuha lamang ito. Si Chase naman yung mahirap na nagsikap upang yumaman, yung personalidad niya ay sweet at easy going.

Light lang yung daloy ng istorya. Hindi masydaong mabigat sa pakiramdam yung mga masasakit sa pusong eksena. Hinaluan pa ito ng may-akda ng mga nakakatawang bahagi na mas nakatulong upang mapaganda ang kuwento. May ilang mga isyu din ang tinukoy ngunit hindi masyadong binigyang diin.

Simple lang yung plot at maayos na naitawid ang kuwento. Gumamit ng mga flashback sa kada kabanata na minsan nakakalito. Mas maganda sana kung isang tuloy tuloy na flashback hindi yung putol putol na hindi minsan maintindihan. Hindi din masyado binuild up yung karakter ng mga tao sa nakaraan kaya sa una di mo malaman kung sino ba sila. Sa kabuuan maganda naman ang kinalabasan.

Bagay ito sa mga taong hanggang ngayon naghohold pa rin sa mapait na karanasan nila sa buhay. Silipin ang kuwento nina Chase at Reese.

Book Review: The Baller

May-akda: VI Keeland

Kategorya: Contemporary Romance

Karakter:

• Delilah Maddox- isang sports reporter ng WMBC Sports News.
• Brody Easton- quaterback ng New York Steel at MVP ng SuperBowl.
• Michael Langley – apo ng may-ari ng  WMBC at head ng broadcaster operation.
• Willow – kababata at dating nobya ni Brody.
• Marlene – ina ni Willow na nasa pangangalaga ni Brody na itinuring na niyang pangalawang ina.
• Drew – dating nobyo ni Delilah.
• Grouper – kaibigan ni Marlene sa ospital na ngangalaga sa kaniya.

Sikat na Linya:

“Changing me was going to be a lot work, but proving to you that if you’ll take a chance on me, I’ll be there to catch you won’t be as hard. “– Brody Easton –

“If I told you I loved you more than anything in this world, would you give me another chance?”- Delilah Maddox -

Buod:

Itinatali ng nakaraan ang puso nina Delilah at Brody. Si Delilah Maddox ay isang sports reporter sa WMBC. Nagkrus ang landas nila ni Broady Easton ang sikat na quarterback ng New York Steel ng interviewhin ni Maddox si Easton sa loob ng locker room. Hindi inaasahan ni Maddox ang gagawin ni Easton nung sila na ang nagiinterview dito bigla nitong tinanggal ang kaniyang tuwalya sa bewang at lantarang pinakita ito kay Maddox. Kilala si Easton na gumagawa ng ganitong mga eksena sapagakt hindi niya gusto ang mga babae sa locker room. Doon nagsimula ang malimit na pagtatagpo ng dalawa at ang pagtitinginang kakalag sa puso nilang parehong nakagapos sa nakaraan.

Pagsusuri:

Kung dito sa Pilipinas ang sikat na laro ay basketbol sa ibang bansa mas kilala at madaming tagahanga ang Superbowl. Ang sikat na larong ito ang pinakasetting ng bagong handog na kuwento ni VI Keeland na “The Baller”.

Sinusundan nito ang karakter ni Delilah Maddox bilang reporter na madalas interviewhin ang sikat na quarterback na si Brody Easton. Umusbong ang pagmamahalan sa kanilang dalawa dahil sa limit ng pagkikita nila at pagkokober ni Maddox sa mga laro ng Steel na koponan ni Easton. Ngunit ang pagmamahalan nila ay naudlot ng bumalik sa buhay ni Easton si Willow na naging dati nitong nobya at naging dahilan noon kung bakit naalis sa koponan si Easton. Samantalang si Maddox ay takot pa ring umibig sa pagaakalang muli na naman siyang maiiwan gaya ng pagiwan sa kaniya ni Drew na dati niyang nobyo.

Maraming klase ang pagmamahal. Andyan ang pagmamahal kaibigan, pagmamahal kapatid at pagmamahal sa magulang. Minsan ang pagaalaga natin ng sobra sa isang tao ay na pagkakamali natin na pagmamahal na. Kailangan munang may mangyari bago natin ito marealize at sa kaso ni Easton narmdaman na lang niya ito dahil sa pagkakaiba nararamdamn niya kina Willow at Delilah. Samantalang sa kaso naman ni Delilah tanging siya lamang ang maaring magpalaya sa kaniyang sarili at muling buksan ang puso niya sa ibang tao kagaya ni Easton.

Cute yung story nito. Simple lang yung plot pero malalim yung pinaghugutan o pinagdaanan ng bawat karakter. May kani kanila malungkot na karanasan sa pagmamahal na lalong humubog ng kanilang damdamin. Ginamit na instrumento ng may-akda ang isport na superbowl upang mas lalong maging kapana-panabik ang istorya.

Silipin ang mundo ng Superbowl sa nobela ni VI Keeland.