Underworld: Blood Wars

Haba nang Pelikula: 1oras 31minuto

Direktor: Anna Foester

Kategorya: Katatakutan, Aksyon

Panulat ni: Cory Goodman

Istorya ni: Cory Goodman, Kyle Ward

Prodyusers: Tom Rosenberg, Gary Lucchesi, Len Wiseman, RichardWright, David Kern

Base sa: Karakter na ginawa ni Kevin Grevioux, Len Wiseman, Danny Mcbride

Bida nang Pelikula: 

• Kate Beckinsale bilang si Selene – isang malakas na bampira dahil sapagiging Bampira-Corvinus Strain Hybrid niya.
• Theo James bilang si David – kaibigan at kakampi ni Selene nanaging isang Bampira-Corvinus Strain Hybrid din.
• Tobias Menzies bilang si Marius – gusto makuha ang anak ni Selene upang mas lumakas pa siya, lider ng mga Lycans.
• Lara Pulver bilang si Semira – sakim na gustong idiin si Selene saisang kasalanan na hindi niya ginawa.
• Clementine Nicholson bilang si Lena – isa sa pinakamagaling namandirigma ng Nordic Coven at tumulong kay Selene.
• Charles Dance bilang si Thomas – kakampi ni Selene at ama ni David.

Musika ni: Michael Wandmacher

Sinematograpiya ni: Karl Walter Lindenlaub

Taga-ayos: Peter Amundson

Taga-pamahagi: Screen Gems

Bansa: Estados Unidos

Lingguwahe: Ingles

Buod:

Matapos ang masasakit na pangyayari sa buhay ni Selene muli siyangpinalaya ng vampire clan upang sanayin sa paglaban ang mga bagongbampira upang lumaban sa mga Lycans. Ngunit ito pala ay isang patibonglamang upang mas lalo siya idiin at kamkamin ang trono ng tusongbampira na si Semira. Sa tulong ni David at Thomas muli nilangsusubukang tapusin ang walang humpay na digmaan sa pagitan ng mgaLycans at Bampira.

Pagsusuri:

Maaksyon pelikula muli ang handog ni Kate Beckinsale sa pagbabalikniya bilang si Selene sa ‘Underworld: Blood Wars’. Ito ay sa direksyon niAnna Foester at panulat ni Cory Goodman.

Tinawag muli ng council ng bampira sa pangungumbinsi ni Thomas (amani David) at Semira na pabalikin si Selene dahil kailangan nila ito upangturuan ang ibang bampira sa pakikipaglaban sa mga Lycans. Ngunittrinaydor lamang si Selene ni Semira kung kaya tinulungan siya ninaThomas at David upang makaalis at nagpunta sila sa norte upang puntahanang Nordic Coven na nagbunyag ng tunay na katauhan ni David.

Maayos na naikuwento ni Foester ang pelikula. Nagpakita siya ng mgapagbabalik tanaw sa pamamagitan ng kakaibang paraan na pagtikim ngdugo ng taong gusto mong makita ang ginawa. Ang bilis ng phasing ngistorya na kung hindi mo napanood ang mga nakaraang installment ay maliligaw ka kuwento nito. Maraming karakter ang nababanggit nabinigyan lang ng kaunting diin upang ipakilala at hindi masyadongmaguluhan ang una pa lang na manonood ng kuwento.

Ang mga malapalasyong kaharian at madilim na kapaligiran angnagpapakita ng tunay na buhay at angkop para sa pelikula na bida ang mgabampira. Karamihan ng scene ay sa dilim at sa gabi ginawa upang mas mabigyan ng emphasize ang karakter ng kuwento. Ang galing din ngpagpapalit anyo ng mga Lycans na hindi mo aakalain ang bilis ng pagiginganyong lobo nila.

Medyo magulo yung istorya mas magiging advisable sa mga manonood napanoorin muna yung mga nakaraang mga pelikula nito upang mas maintindihan ang kuwento. Mabilis nilang inilahad ang lahat na medyomay mga ilang parte ang naging malabo sa istorya. Bigla na langnangyayari  ang ilang eksena at hindi nabigyang detalye.

Pinuno pa rin ni Beckinsale ng mga makapigil hiningan niyang stunts angpalabas. Magaling pa rin at walang kupas ang kaniyang pagganap bilang siSelene. Kulang sa aksyon namn ang pinakita ni James na hindi nasabayanang galing ni Beckinsale. 

Panoorin ang mga nakaraang movie nito upang mas maenjoy ang‘Underworld: Blood Wars’.

The Unmarried Wife: Movie Review

Petsa nang Pagpapalabas: Nobyembre 16, 2016

Haba nang Pelikula: 2oras 5minuto

Direktor: Maryo J. Delos Reyes

Kategorya: Drama, Romance

Istorya at Panulat ni: Vanessa R. Valdez

Base sa Orihinal na Istorya ni: Keiko Aquino

Prodyusers: Charo Santos-Concio, Malou N. Santos

Bida nang Pelikula:

• Angelica Panganiban bilang si Anne Gonzaga – mabait na asawa ni Geoff.
• Dingdong Dantes bilang si Geoff Victorio – asawa ni Anne.
• Paulo Avelino bilang si Bryan – may asawang umibig kay Anne.
• Dimples Romana bilang si Carmela – abogadong kaibigan ni Anne.
• Irma Adlawan bilang si Veronica – inang umiwan kina Anne.
• Denise Laurel bilang Louise – asawa ni Bryan.

Musika ni: Jesse Lucas

Taga-ayos: Tara Illenberger

Taga-pamahagi: StarCinema

Bansa: Pilipnas

Lingguwahe: Tagalog, Filipino

Buod:

Si Anne ay empleyado sa isang kumpanya na nagsusulong sa magandang pagsasama ng pamilya. Nakilala niya si Geoff at nag-ibigan ang dalawa at nagpakasal. Sinubok ng panahon ang kanilang samahan ng pagtaksilan siya ni Geoff. Kung kaya naisip niya na hiwalayan ito at ipa-annul ang kanilang kasal. Nakilala niya si Bryan na akala niyang tutulong sa kaniya. Ngunit bumalik ang asawa nito at mas lalong gumulo ang kaniyang buhay.

Pagsusuri:

Isang matapang na pagganap ang ipinakita ni Angelica Panganiban sa pelikulang ‘The Unmarried Wife’. Sa ilalim ng batikang director Maryo J. Delos Reyes na pinamahagi ng StarCinema.

Si Angelica Panganiban ay si Anne Gonzaga na umibig ng husto sa kaniyang asawa na si Geoff Victorio (Dingdong Dantes). Ngunit sinubok ng panahon ang kanilang pagsasama ng parehas silang magkaproblema. Si Anne ay nawalan ng oras kay Geoff dahil sa pagkakapromote nito sa trabaho at dumami ang kaniyang responsibilidad sa opisina. Sinabayan ito ng pagkakaroon ng problema ni Geoff sa kaniyang pinamamahalaang kumpanya na nagresulta ng isang kataksilan sa parte nito. At ng malaman ito ni Anne hiniwalayan niya si Geoff at nakilala niya si Bryan na akala niya tutulong sa kaniya, ngunit mas lalo lamang palang maglulubog sa kaniyang kinasadlakang sitwasyon.

Maraming magagandang linya ang tatak at talagang magpapaluha sa iyo. Mga tanong at gawi na kinasanayan ng mapanghusgang lipunan gaya na lang ng usapan ng ina nina Anne at Geoff. “Bakit nga ba pag lalaki ang nagloko ayos lang, ngunit bakit pagkababae ay sobrang samang tingnan? Kung tutuusin pareho naman itong masama.”

Napakagaling ng pagganap ni Angelica Panganiban. Mapang-hamon ang kaniyang papel na nabigyan niya ng magaling na pag-arte. At siya ay sumasagisag sa lahat ng mga kababaihan na dumaraan sa kaparehong sitwasyon. Kay Dantes naman ramdam mo na andoon siya pero kulang ang binibigay na emosyon. Ang pagiging bad boy image ni Avelino ay bumagay sa kaniya bilang Brayn. Ang galing din ng mga supporting cast lalo na ni Denise Laurel. Ramdam na ramdam mo siya sa bawat eksena niya.

Maayos na naikuwento ng direktor ang pelikula. Lahat ng anggulo ay naipaliwanag at naipakita ni Delos Reyes. Walang dull moments ang palabas. Walang bitin na mga eksena. At naihatid niya ang nais iparating ng kuwento sa mga manonood. Hitik na hitik yung halos dalawang oras na pagpapalabas nito. Kung kaya’t hindi nakapagtataka na marami ang nakarelate sa mga karakter.

Ang pelikula ay nagpapakita na hindi lahat ng relasyon ay perpekto. Maraming darating na problema at susubukin ang tibay ng inyong pagsasama. At nasa sa atin kung paano natin ito lulutasin. Huwag tayong gagawa ng isang bagay na alam natin dadagdagan lang sa naiwang problema.

Sa kabuuan napakaganda ng pelikulang ito. Maraming mensahe ang mapupulot ng mga mag-asawa na magsisilbing aral para sa lahat.