My Ex and Whys: Official Movie Posters

Narito na ang posters ng Valentine movie offering ng StarCinema na 'My Ex and Whys'. Ang pelikula ay mapapanood natin sa lahat ng sinehan sa Pebrero 15,2017.

Kitang kita ang magandang chemistry nina Soberano at Gil sa mga posters nila sa movie. Tiyak na muli na namang pakikiligin ng LizQuen ang lahat ng kanilang fans.

Kitang kita din ang magandang background at setting ng palabas na kinunan pa sa South Korea.

Ang pelikula ay tungkol kay Cali (Liza Soberano) na may-ari ng isang sikat na blog site. Muling babalik sa buhay niya ang ex niyang si Gio (Enrique Gil) na sinaktan siya noon. Muli kayang matatanggap ni Cali si Gio. Masasagot na kaya ang lahat ng BAKIT ni Cali sa pag-iwan ni Gio sa kaniya noon. Abangan natin lahat ang sagot sa 

Official Poster: Swipe

Isang dating application ang gugulo sa buhay ng anim na bida ng pelikulang 'Swipe' sa ilalim ng direksyon ni Ed Lejano na mapapnood na sa lahat ng sinehan sa Pebrero 1, 2017.

Makikita sa theater poster nito ang sexy imahe ni Meg Imperial na nangangahulugang maaring may pagkadaring at mature content ang pelikula. 

Si Imperial ay sasamahan nina Luis Alandy, Maria Isabel Lopez, Gabby Eigenmann, Alex Medina at Mercedes Cabral.

Ating tuklasin ang buhay at kung paano binago ng dating application ang kani kanilang pagkatao. Panoorin ang 'Swipe', handog ng Viva Films, Aliud at Ledge production companies.

Official Poster: Mano Po 7: Chinoy

Ang serye ng Mano Po ay muling nagbabalik sa ikapitong pelikula nitong " Mano Po 7: Chinoy". Ito ay pagbibidahan ng pinagsama samang artista ng henerasyon ngayon. Kasama sina Enchong Dee, Jean Garcia, Janella Salvador, Jake Cuenca, Jessy Mendiola, Kean  Cipriano, Marlo Mortel, Jana Agoncillo at Richard Yap. Ito ay mapapanood sa lahat ng sinehan sa Disyembre 14, 2016.

 

Ito ay kuwento ng isang ama kung paano ang buong pamilya niya ay umasam sa pagmamahal na hindi niya naibigay. Mga anak na humihingi ng atensyon sa kaniyang ama at asawang umaasam na muling madama ang pagmamahal.

Kitang kita ang ganda ng sinematograpiyang handog ng palabas na ito. At mukhang maganda ang istorya na siguradong makakarelate ang maraming pamilya sa sitwasyon na nangyayari sa kuwento. Paniguradong tutulo ang luha mo sa galing ng pag-arte ng mga karakter.

Tuklasin ang mga aral pampamilya na nakapaloob sa pelikulang handog ng Regal Films at sa direksyon ng award winning direktor na si Ian Lorenos.

Official Poster: Enteng Kabisote 10 and the Abangers

Muling nagbabalik si Vic Sotto para sa isang maagang pamaskong handog na pelikula. Ang super pelikula ng taon na puno ng super magic ang Enteng Kabisote 10 and the Abangers. Mapapanood na sa lahat ng sinehan sa Nobyembre 30, 2016.

Ang superhero na si Enteng Kabisote ay muling sasabak sa isang adventure gamit ang kaniyang bagong tuklas na Enteng Kabisote Robotics. Kanilang iimbestigahan ang isang application na laro  na tinatawag na Slash Man. Ang larong ito ay pinamamahalaan ng masamang si Dr. Kwak kwak (Epi Quizon) na ginagamit ang laro upang makontrol ang isip ng sangkatauhan. At upang makumpleto ang kaniyang misyon kailangan niyang makuha ang kapangyarihan mula sa OEW. Ang pitong Outcast Engkantasya Workers kasama si Enteng ay lalabanan ang kasamaan ni Kwak kwak,

Si Enteng ay sasamahan nina Nidora (Wally Bayola), Tinidora (Jose Manalo), Tidora (Paolo Ballesteros),Remy, Oring (Kakai Bautista), Lucas at Bistika bilang ang pitong OEW.

May espesyal na partisipasyon din dito ang sikat na Aldub loveteam Maine Mendoza at Alden Richards, pati si Pauleen Luna-Sotto na kabiyak ni Vic sa tunay na buhay at ang kaibigan nitong si Joey de Leon.

Muling tumawa at masiyahan kung paano muling maililigtas ni Enteng ang buong mundo. Ang pelikula ay handog ng M-zet TV Production Inc., Octo Arts at APT Entertainment sa direksyon ni  Marlon Rivera at Tony Y. Reyes.